09/05/2025, Facultade de Filoloxía (USC)
O 9 de maio tivo lugar na Facultade de Filoloxía da Universidade de Santiago de Compostela a II Xeira CLARIAH-GAL, organizada polo nodo CLARIAH-GAL. Esta segunda edición, á que asistiron unhas cincuenta persoas, contou con oito relatorios en que se presentaron diversos proxectos de Humanidades Dixitais desenvoltos no ámbito galego e con dúas conferencias plenarias de Arturo Montejo (Universidad de Jaén) e Patricia Martín Rodilla (CSIC). Ademais, na sesión de pósters déronse a coñecer 22 iniciativas no ámbito das Humanidade Dixitais.
As presentacións dos relatores convidados e os pósters seleccionados pódense consultar e descargar na páxina web do evento nas seccións “materiais” e “pósters”.